Share Tarbiya
Save to Folder
Odob nima?
odamning jamoat orasida o‘zini tutishi, boshqalar bilan muomalasi, bo‘sh vaqtini tashkil etishi va kundalik xulq-atvorini ifodalovchi xususiyatdir.
Insonning axloqi qaysi holatlarda «go‘zal» deb ataladi?
Inson o‘zini munosib tutsa, shirinmuomala bo‘lsa va atrofdagilarga hurmat bilan munosabatda bo‘lsa, uning axloqi go‘zal deyiladi.
«Axloqi va muomalasi go‘zal inson — insonlarning eng sarasidir» degan fikrni qanday tushunasiz?
Bu dunyoda insonning eng katta boyligi va uning qadrini belgilovchi asosiy mezon — bu uning chiroyli xulqi va odobidir.
Nima uchun biror kishi bilan do‘st bo‘lishdan avval uning axloqiy fazilatlariga e’tibor berish kerak?
Chunki do‘stning xulqi insonga ta’sir qiladi; yomon xulqli do‘st sizni ham noto‘g‘ri yo‘lga boshlashi mumkin.
Axloqsiz odatlari bor insonlardan nega uzoqroq yurish tavsiya etiladi?
Ularning yomon odatlari sizning fe’l-atvoringizga va jamiyatdagi obro‘yingizga salbiy ta’sir ko‘rsatmasligi uchun.
Barcha yaxshiliklar nimaning ichida mujassam?
Barcha yaxshilik xushxulqlikdadir.
«Dildagi g‘ashlik va odamlar ko‘ziga uyatli ish» nimaning belgisi hisoblanadi?
Bu gunoh va yomon axloqning belgisidir.
Abulqosim Firdavsiyning baytida inson o‘z aybini bilsa, nima qilmasligi aytilgan?
O‘z aybini bilgan odam boshqalarning aybini qidirib yurmaydi va ularni yomonlamaydi.
Rivoyatdagi donishmand nima sababdan hamma tomonidan hurmat qilinardi?
Uning donoligi, hayotiy tajribasi va hamma savollarga to‘g‘ri javob topa olishi uchun.
Hasadgo‘y odamning maqsadi nima edi?
Donishmandni ko‘pchilik oldida uyaltirib, uni bilmasvoyga chiqarish
Hasadgo‘yning rejasi qanday edi?
Kapalakni kaftida tutib, «tirikmi yoki o‘lik?» deb so‘rash. Agar tirik desa, siqib o‘ldirmoqchi, o‘lik desa, uchirib yubormoqchi edi.
Donishmand hasadgo‘yga qanday javob berdi?
«Hammasi o‘z qo‘lingda», deb javob berdi.
Donishmandning javobi nimani anglatadi?
Insonning taqdiri, qiladigan yaxshiligi yoki yomonligi faqat o‘zining ixtiyorida ekanligini anglatadi.
Hasadgo‘yning eng katta xatosi nima edi?
O‘zgalarning obro‘siga hasad qilgani va bir jonivorni o‘z manfaati yo‘lida qurbon qilmoqchi bo‘lgani.
Donishmandning «Hammasi o‘z qo‘lingda» degan javobida yana qanday ma’no bor?
Yaxshi yoki yomon odam bo‘lib yashash, hayotda to‘g‘ri yo‘lni tanlash ham insonning o‘z qo‘lida.
Birgina qilingan axloqsizlik kimningdir hayotini o‘zgartirib yuborishi mumkinmi?
Ha, yomon xulq yoki nojo‘ya harakat tufayli inson boshqalarning ishonchini yo‘qotishi va kelajagiga zarar yetkazishi mumkin.
