Сөз табы деп жалпы лексика-грамматикалық сипаттары мен белгілері бәріне бірдей ортақ болып келетін сөздердің тобын атаймыз.

Етістік — заттың іс-әрекетін, қимылын білдіретін сөз табы.

Зат есім – заттың, құбылыстың атауы болатын, заттың атын білдіретін сөздер. Сұрақтары: кім? не? кімдер? нелер?

Заттың санын, мөлшерін, ретін, шамасын білдіретін сөз табы.Сұрақтары: қанша? неше? нешеу? нешінші?

Заттың түрін, түсін, сапасын, белгісін, күйін, салмағын, көлемін, иісін т. б. қасиеттерін білдіретін сөздер.Сұрағы – қандай? қай?

Жалқы есімдер деп белгілі бір ғана затты арнай, даралай атайтын зат есімдерді атаймыз. Мысалы: кісі аттары (Асқар, Арлан, Ағыбай т. б.)

Жалпы есімдер деп тілдегі әр алуан деректі және дерексіз заттар мен ұғымдарды білдіретін зат есімдер аталады. Мысалы: ағаш, ат, ас, арал, арба, бас, бала, ақыл.