Төмендегі сандар тізбегі белгілі бір ережеге сәйкес қойылған. Бірақ осы сандар тізбегінде бір сан ережені бұзып тұр. Осы қай сан? 4, 7, 13, 25, 51, 97, 193

7, 5, және 4 цифрларын пайдаланып, неше екі таңбалы сан құрастыруға болады? Ондағы жай сан нешеу? Құрама сан нешеу?

Отбасында анасы, әкесі және 4 бала бар. Балалардың орташа бойы 120 см, ал ата-аналардың орташа бойы 174 см. Барлық отбасы мүшелерінің орташа бойы неше см?

Фархаттың анасы 41 кг, Мұрат 38 кг, ал олардың әкесі 75 кг. 100 кг жүкті ғана көтере алатын қайықты пайдаланып, олар өзеннің арғы бетіне қалай өтеді?

Мектепте жас натуралистер, жас математиктер, көркем-өнерпаздар, қолөнершілер және жеңіл атлетика үйірмелері бар. Айжан осы үйірмелердің тек екеуіне ғана неше нұсқада қатыса алады?

Түзу жүргізіп оның бойынан А, В, С, Д, Е нүктелерін белгілеңдер, нәтижесінде қанша кесінді пайда болды

Мен бір сан ойладым, оған 1-ді қостым, қосындыны екіге көбейттім, шықан санды 3-ке бөліп нәтижеден 4-ті азайттым. Сонда 5 шықты. Мен қай санды ойладым?

Бір топтағы туристердің 10-ы қазақ тілін біледі, 8-і орыс тілін біледі, олардың 3-еуі қазақ тілін де, орыс тілін де біледі. Топта барлығы неше турист бар?

Әкесі мен ұлына бірге 65 жас. Әкесіне 25 жас болғанда, ұлы туды. Әкесі мен ұлының жасы нешеде?

Жанұяда 4 бала бар.Олардың жастары 5,8,13,15-те. Олардың аттары Мерей,Гүлдана, Динара, Шыңғыс. Бір қыз бала балабақшаға барады. Динара Гүлданадан үлкен. Гүлдана мен Динараның жастарының қосындысы 3-ке бөлінеді. Кім қанша жаста?

Жарысқа қатысушылар бір-біріне сәлемдесіп қол алысқан. Барлық қол алусулар саны 120 болған. Қанша адам бір-бірімен қол алысып амандасты?

Әкесі 48 жаста, ал ұлы 12 жаста. Қанша жылдан кейін әкесінің жасы ұлының жасынан 3 есе артық болады?

Мен бір сан ойладым. Сол санға 24 қоссақ, одан шыққан санды 9-ға көбей-тсек, сосын 76- ны алсақ, ендігі шыққан санды 19- ға бөлсек, онда 23 шығады.Ойлаған санды табайық.